Xəbərlər

Təhsil 1 fakültəsi Ulu Öndər Heydər Əliyevin anım gününə həsr olunmuş tədbir keçirib

TƏDBİRLƏR
12 dekabr 2019-cu il tarixində Təhsil 1 fakültəsində Ulu Öndər Heydər Əliyevin anım gününə həsr olunmuş tədbir keçirilib. Tədbiri giriş sözü ilə ADU rektorunun məsləhətçisi, iqtisad elmləri üzrə fəlsəfə doktoru Anar Osmanlı açıb. O, qeyd edib ki, Heydər Əliyev nadir tarixi şəxsiyyətlərdəndir ki, mükəmməl dövlət quruculuğu konsepsiyasını işləyib reallaşdıra bildi. Ulu Öndər Azərbaycanı böyük bir fəlakətdən xilas etdi. Sonra isə dövrün tələblərinə cavab verən müstəqil demokratik dövlət quruculuğunu başa çatdırdı.
Tədbirdə Ümumi dilçilik kafedrasının müəllimi Məmməd İsmayılov «Ümummilli lider Heydər Əliyevin dil siyasəti» mövzusunda məruzə ilə çıxış edib. Məruzəçi müxtəlif dövrlərdə Heydər Əliyevin Azərbaycan dilinin dövət dili kimi inkişafı və tətbiqinin təkmilləşdirilməsi ilə bağlı xidmətlərini qeyd edib. O, Azərbaycan dilinin dövlət dili statusuna yüksəlməsi uğrunda Ulu Öndər Heydər Əliyevin başladığı müqəddəs milli mücadilənin tarixi inkişaf yolunu öz çıxışında vurğulayıb. Tədbirdə iştiak edən tələbələr mövzu ətrafında öz fikir və mülahizələrini bildiriblər.
Tədbirin sonunda Təhsil 1 fakültəsinin dekanı, professor Fikrət Cahangirov çıxış edərək Ümummilli lider Heydər Əliyevin dil siyasətinin bu gün Azərbaycan prezidenti İham Əliyev tərəfindən uğurla davam etdirildiyini müxtəlif faktlarla qeyd edib. Belə ki, latın qrafikasında kütləvi nəşrlərin həyata keçirilməsi bunun parlaq göstəricilərindən biridir. Ümumiyyətlə, Ümummilli liderin siyasəti Azərbaycanda ana dilinin tərəqqisi üçün elə bir şərait yaradıb ki, biz həmin siyasətin uğurla davam edəcəyinə tam əminik.