Xəbərlər

Təhsil-2 fakültəsi nəzdində Xarici dillər kafedrası 31 dekabr Həmrəylik günü- Yeni il

TƏDBİRLƏR
20.12.2019-cu il tarixində Təhsil-2 fakültəsi nəzdində Xarici dillər kafedrasının təşkilatçılığı ilə “31 dekabr Həmrəylik günü-Yeni il” adlı bayram tədbiri keçirildi. Tədbirdə ADU-nun beynəlxalq əlaqələr üzrə prorektoru prof. Jalə Qəribova, rektor məsləhətçisi i.f.d. Anar Osmanlı, Təhsil-1 fakültəsinin dekanı prof.F.F.Cahangirov, Təhsil-2 fakültəsinin dekanı dos.S.S.Nuriyev və Əlavə təhsil və İxtisasartırma fakültəsinin dekanı dos. Məmməd İsmayılovla yanaşı professor, müəllim və tələbə heyəti də fəal iştirak etmişdir. Tədbirdə Təhsil-1 və Təhsil-2 fakültəsinin tələbələrinin dörd dildə nümayiş etdirdikləri səhnəciklər, rəqslər, mahnılar tamaşaçılar tərəfindən böyük maraqla qarşılandı.
Tədbirin əsas məqsədi kafedrada tədris olunan rus, ingilis, fransız və alman dillərinin tələbələr tərəfindən mənimsənilməsinə, öyrənilməsinə maraq oyatmaq, tələbələrdə öyrəndikləri II xarici dillərin mədəniyyəti, adət-ənənələri haqqında geniş təsəvvür yaratmaq idi. Eyni zamanda tədbirə Binəqədi rayon 301 saylı orta məktəbin şagird-müəllim heyəti qonaq qismində dəvət olunmuşdu. Məktəblilərin çıxışı tədbirə rəng qatdı. Tədbir universitet rəhbərliyi və tamaşaçılar tərəfindən yüksək qiymətləndirildi. Sonda rektor məsləhətçisi i.f.d. Anar Osmanlı, Təhsil-1 fakültəsinin dekanı prof.F.F.Cahangirov və Təhsil-2 fakültəsinin dekanı dos. S.S.Nuriyev tərəfindən tələbələrə dekanın fəxri vərəqləri təqdim edildi.